Mjonøy

Enten du kjem frå aust eller vest langs E-134, bør du leggje kvilepausa di til Mjonøy i Vinje. Det vedfyrte bakeriet vårt er svært populært, og held ope frå påsketider til og med haustferien.

Du kan gå i det sjølvbetjente bakeriet vårt og forsyne deg av store, fristande skillingsboller eller brød frå den vedfyrte steinomnen.

I sommarmånadane er kafeen vår open kvar dag, med blant anna vår svært populære Mjonøyburger på menyen. Her kan du få ein skikkeleg heimegjort matbit. Mykje er basert på lokale råvarer frå Telemark.

Freistar det å bli lenger har me hytter som dekkjer alle slags behov og i tillegg ein liten campingplass øverst på området.

Elvane Klevastøylåi og Smørkleppåi renn rundt Mjonøy og dannar ei øy som du høyrer i namnet. Dei renn sakte forbi og byssar deg i søvn.

Overnatting

På Mjonøy får du kjensla av å koma på støylen i gamle dagar. Her har me 13 unike tømmerhytter til utleige. Hyttene er samla inn frå gardar i Vest-Telemark og har hatt ulike bruksmåtar.

Det var Alv Nergarden frå Smørklepp som byrja å samle inn dei ulike tømmerstogene på seksti-talet.

Alv ville laga ein annleis campingplass. Husa vart demontera stokk forstokk og sett opp att på Mjonøy til overnatting.

Fire av desse hyttene har med åra fått noko høgare standard med nye tilbygg, i tillegg til dusj og toalett. Det er hyttene Totak, Solbu, Gamlestoga og Fjoset. Dei kan du lese meir om nederst på sida.

Me har òg enkle hytter med kjøleskap og kokeplate frå 600 kr. på førespurnad. Felles sanitæranlegg med dusj.

Utvask av hytta kan bestillast, prisane varierar noko etter storleiken på hytta.

Sengetøy kan leigast for 100 kr pr. sett
Handkle: 30 kr