Haukelifjell er eit eldorado for toppturar i alle vanskegradar, alt frå fine nybyrjar-venlege turar til meir avanserte turar og bratte renner. Her byrjar sesongen i desember/januar og varer langt ut i mai, så for den som er glad i toppturar er det mogleg å rekke fleire turar i løpet av vinteren.
Haukeliseter Fjellstue er eit godt utgangspunkt for turar på fjellski eller randonèe og splitboard. Populære turar er til dømes Kista eller Vesle Nup. I området rundt Haukelitunellen er Verjesteinsnuten og Stavsnuten fine turar som er enkle å kome seg til frå parkering langs E-134.
Her kan lese meir om populære toppturar på Haukelifjell.
Toppturkurs og skredkurs
Kva vinter arrangerar Haukeliseter fleire kurs inna skredsikkerhet, samt kurs med teknikktrening for frikøyring. Du kan òg vere med på fellestur på Haukeliseter Fjellfestival i mai.
I tillegg arrangeras det kvart år ei eige toppturhelg for jenter!
Følg med i arrangementskalenderen for kurs og andre arrangement!
Ta kloke val, og følg alltid med på skredvarsling på varsom.no.
Du kan også drøyme deg bort heimanifrå via webcam.
Vis omsyn til villreinen!
Om vinteren og våren kan det vere villrein i området. Reinen frå Setesdal- og Ryfylkeheiane trekk ofte nordover for betre vinterbeite. Dersom du observerar rein eller ferske spor, bør du trekke deg vekk til eit anna område. Spør gjerne på Haukeliseter om observasjonar av rein, eller alternative stader du kan gå dersom det er rein i eit spesifikt område.
Om våren, før og i kalvingstida, er reinen ekstra sårbar. Då trekk han ofte ned frå høgfjellet for å lettare få tilgang på mat når snøen smeltar. Det er ein del av allemannsplikta å vise omsyn til natur og villrein. Trekk deg stille vekk frå dyra, og meld i frå om observasjonar.
