Renovest IKS har no rusta opp hyttereturpunktet på Tyrveli i Vågslid med nye botntømte containerar. Det er eigne skap i matavfallsskura der det kan hentast matavfallsposar. Matavfallsposar er ferskvare og det er større risiko for lekkasje om dei blir for gamle. Det er difor lurt å hente nye med jamne mellomrom i staden for å «bunkre opp».
Dei gamle containerane ved innkøyringa til Raudbergvegen og langs Listøylvegen vert no samla inn.
