Destinasjonselskapa (Rauland Turist, Visit Haukeli og Visit Vinje) i Vinje Kommune har utvikla vår nye maskot. Maskoten er sjølvsagt ein geitekilling og vil vera ein figur som ein vil møte rundt om kring i kommunen på ulike arrangement og events i tida framover.
Om vinteren kan du møte geitekillingen i fleire av skibakkane våre, og på sommaren likar den seg godt i fjella ute på tur.
Me gler oss veldig til geitekillingen kjem til Vinje, men før den tid så treng hjelp til å bestemme kva geitekillingen skal heite.
Me har satt nokre kriteria som me ynskjer skal bli teke omsyn til i prosessen:
- Det bør vere eit kort namn. Helst ikkje meir en fem (5) bokstavar.
- Det er fint at namnet passar å uttalast på fleire språk.
- Prøv å unngå bruk av bokstavane Æ,Ø,Å
Bruk fantasien, me gler oss til å sjå alle namneforslaga!
Send innspel til info@visitrauland.com innan 7. september 2025.
Satsinga på ein felles maskot til dei tre destinasjonane er i tråd med den nye reiselivsstrategi knytt til tema 6 marknadsføring, kommunikasjon og internasjonalisering.
