20190913_133645

Heider og ære til dyr og bonde på Haukabø

Facebook
Twitter
Email
Print

PREMIERINGAR FOR KVÆKA OG OLAVA

5530 Kvæka og kalven 1970 Olava fekk 1. premie for kun m/ kalv, samt at dei blei BIR (Best i Rase). I tillegg fekk dei 4. premie i Interbreed (på tvers av alle raser).Bonden sjølv, Inger Elisabeth, tykkjer òg Kvæka gjorde ein god figur i Dagsrevyen på fredag.
Sjølv om ho tykkjer det er veldig moro med så gode prestasjonar seier ho at «det er viktigast for meg at dyra oppfører seg fint og framstår rolege og stabile når dei er på Dyrskun. Det er ikkje sjølvsagt når ein er tatt ut rett frå fjellbeite, får to dagar heime, og deretter ned i det folkehavet.»
Med så mykje stell og tilsyn som kyrne på Haukabø har, så tvilar ikkje underteikna på at dei oppfører seg fint når det gjeld!

UTMERKINGAR

I tillegg til at dyra fekk premieringar, så fekk òg bonden sjølv utmerkingar som heng høgt. Ho fortel; «eg fekk diplom og har Lindeqvist`s sylvkanne i 3 år (vandrepokal), samt fin blomsterbukett, for «fortjæneste av Kvægavlens fremme i Bratsberg Amt». For særs godt arbeid med miljømessig riktig og lønsam kjøtproduksjon av storfe i Telemark.  Dette var for mitt arbeid i Tyr sentralt, som leiar og i styret til Norsk Aberdeen Angus Forening, som leiar og i styret til Norsk Highland Cattle Forening, i oppstart og i styret til Tyr Telemark og ikkje minst oppstart av kjøttfeutstillinga på Dyrskun.Denne diplomen sette eg veldig pris på, då eg i alle år som kjøtfebonde har arbeidd for å synleggjera viktigheten av beitande kjøttfe. Prisen var veldig uventa.»I tillegg fekk ho òg Tyr-prisen, for den med mest bruk av semin i rasen Highland Cattle.

Me er stolte av å ha flinke bønder i bygda vår, og tykkjer det er ekstra stas når dei får utmerkingar slik at dei veit at den gode jobben dei gjer vert lagt merke til. Me i Visit Haukeli gratulerar så mykje!

Facebook
Twitter
Email
Print

Nyeste artikler

Hytteservice

Haukeli hytter og hus utfører mange forskjellige tjenester, i tillegg til nybygg. Blant annet torvtak, snørydding, snekring, maling/ beising, tilsyn og andre vedlikeholdstjenester som våre

Les meir
Haukelifjell

Sesongens første snø!

18. oktober 2022 la dei ut på sesongens første fjellskitur på Haukelifjell! Det har snøa ein god del over Haukelifjell dei siste dagane, og no

Les meir
nn_NO