Pizza med Uliveti i skisenteret
Ein smak av Italia i Vinje
Giovanni og Nils Johan bur i Vinje og er olivenbønder med sin eigen gard Uliveti Castel San Martino. Garden ligg i den vesle landsbyen Solopaca som ligg i regionen Campania, om lag ein time frå Napoli.
I tillegg til å lage olivenolje er Giovanni og Nils Johan også opptatt av god mat. Dei har utvikla ulike matturar til Italia, og har tatt kurs i å lage pizza inspirert av napoletansk pizza. I år har Haukelifjell Skisenter og Uliveti starta eit spanande samarbeid for å tilby ein nydeleg pizza i skisenteret! I dette samarbeidet vil Uliveti koma på jamlege pop-up kveldar der dei lagar pizza – med dedikasjon lagt inn i deig og heving og bruk av gode råvarer. I tillegg til pizza er planen også å kunne tilby ein god dessert, og slik få ein skikkeleg smak av Italia i puben på Haukelifjell Skisenter!
Kveldane det serverast pizza, vil det vere mogleg å bestille take away på nett eller inne i puben. Då kan du bestille deg ein pizza som du hentar til vald klokkeslett. Eit heitt tips dersom du veit du blir sittande i kolonnekø!
